Tuesday, 21 July 2015

சன் நெட்வொர்க் மாறன்களின் ஊளைச் சத்தம்..!




ன் குழுமத்தினை முடக்க சதி என்ற கூக்குரல் இப்பொழுது சன் குழுமத்தால் எழுப்பப் படுகிறது.

புதிதாய் பண்பலைகளுக்கு விடப்படும் ஏலத்தில் தங்கள் நிறுவனங்கள் பங்கேற்க அனுமதி மறுத்ததில் தொடங்கிய பிரச்னையை முதலில் பொதுவெளிக்கு கொணர்ந்து அனைவரின் ஆதரவையும் திரட்டிய சன் குழுமம், இப்பொழுது சன் குழுமத்தின் நிர்வாகிகள் மீது நிலுவையில் உள்ள வழக்குகளைக் காரணம் காட்டி உள்துறை அமைச்சகம் அதன் உரிமம் புதுப்பிக்கும் விண்ணப்பத்துக்கு முட்டுக்கட்டை போடுவதை முடிச்சுப்போட்டு ஒட்டுமொத்தமாய், தங்கள் நிறுவனத்தை மத்திய அரசு முடக்க முயற்சி என கூக்குரல் எழுப்புகிறது.





மக்கள் விரும்பினாலும் விரும்பாவிட்டாலும் கோடிக்கணக்கான மக்களைச் சென்றடையும் வலைப்பின்னல் கொண்டுள்ள சன் குழுமம், தங்கள் நிலைப்பாட்டுக்கு வலு சேர்க்கும் வண்ணம் ஆதரவாய் நாள்தோறும் பல தரப்பட்டவர்களின் செய்தி அறிக்கை,பேட்டி,தலையங்கம்,கருத்து எனத் தினமும் வெளியிட்டு வருகிறது. தனது ஊடகங்கள் மூலம் இவர்களின் எசப்பாட்டுக்கு நல்ல வாய்ப்பையும் விளம்பரத்தையும் தருகிறது.

ப‌த்திரிகையாளர் நலன்,மோடி எதிர்ப்பு, எதேச்சதிகார அரச எதிர்ப்பு,தொழில் நடத்தும் உரிமை,பாரபட்சம்,அனைவருக்கும் சமநீதி எனப் பலவித காரணங்களைக் காட்டித், தனி நபர் அரசியல் இயக்கம் வைத்திருப்பவர்,எட்டாவது தெரு-ஏழாவது சந்து  நலச்சங்க செயலாளர்  தொடங்கி நூற்றாண்டு நெருங்கும் அரசியல் கட்சிகள் வரையிலும், டுபாக்கூர் பத்திரிகையாளர்,கட்டப் பஞ்சாயத்து பத்திரிகையாளர் சங்கங்கள் தொடங்கி பாரம்பரிய தொழிற்சங்கங்கள் வரைக்கும் சன் குழுமத்துக்குத் தங்கள் ஆதரவை வெவ்வேறு குரலில் பதிவு செய்து வருகின்றனர். அமெரிக்க தூதரகத்தில் கொளுத்தும் வெயிலிலும் கால்கடுக்க காத்திருப்பவர்களைப் போல் மேற்கண்டவர்கள் ஆதரவு அறிக்கை அளிக்க முண்டியடிக்கிறார்கள். சன் குழுமத்தின் அனுசரனையாளர்கள் பட்டியலில் எப்பொழுதும் இடம் பிடித்து விட முடியாதா என அவர்களின் ஏக்கம் பெருமூச்சாக வெளிப்ப‌டுவது பகிரங்கமாகத் தெரிகிறது. இன்னும் இவர்கள் அண்ணா சாலையை மறிக்காததும் கவிஞர்கள் கூட்டறிக்கை வெளியிடாததும்  தான் பாக்கி.



ன் குழுமத்தை முடக்க முயற்சி நடக்கிறது என்னும் குற்றச்சாட்டில் உண்மை இருக்கிறதா ?

அது சாத்தியமா ?

உலகம் முழுவதும் இருக்கும் தொழில் நிறுவனங்கள் அனைத்துக்கும் இந்தியாவைத் தாரை வார்த்துக் கொண்டிருக்கும் நிலையில்,அவர்களுக்குத் தோதாய் சட்டங்கள்,விதிமுறைகள் எல்லாம் திருத்தப்பட்டுக் கொண்டிருக்கும் நிலையில், அவர்களுக்காய் நான்கு தூண்களும் சகல விதத்திலும் வளைந்து நெளியக் காத்திருக்கும் நிலையில், இங்கிருக்கும் அனைத்து மட்டங்களிலும் சகல‌விதமான தொடர்புகளையும் கொண்டு ஆக்டோபசாய் கால் பதித்திருக்கும் இந்தியாவைச் சேர்ந்த சன் குழுமத்தை முற்றுமுழுதாய் முடக்கும் முயற்சி சாத்தியப்படுமா என்று பார்த்தால் துளியும் சாத்தியமில்லை.

சன் குழுமம் சத்தியத்திலும் உண்மையிலும் உண்மையிலும் தோய்த்தெடுத்த புடம் போட்ட நிறுவனம் அல்ல. நிறுவனத்தையும் அதன் முதலாளிகளையும் சுற்றி பல்வேறு வழக்குகள் கழுத்துப்பிடியாய் நெருக்குகின்றன. அதனால்
சன் குழுமத்துக்கு மத்தியில் அரச அதிகாரத்தில் இருப்பவர்களால் தொந்தரவுகள் அளிக்க முடியும், ஏகபோகத்தை கட்டுக்குள் கொண்டு வரமுடியும், அனைத்து பெருநிறுவனஙளைப் போல் கட்டற்று சுரண்டுவதைத்  தடுக்க முடியும், இவர்களின் முறைகேட்டுக்கு முட்டுக்கட்டை போட முடியும், புதிய உரிமங்களை கிடப்பில் போட முடியும்.  ஏற்கனவே இருக்கும் வழக்குகளை விரைவுபடுத்தி இவர்களைத் தண்டனைக்கு உட்படுத்த முடியும்.

இதைத் தாண்டி மத்தியில் ஆட்சியில் இருப்பவர்களால் எதுவும் செய்ய முடியாது. இதற்கு மேல் வரைமுறையற்றுத் தலையிட்டால் அதைத்  தடுக்கவும் தலையிடவும் உரிய நீதிமன்றங்கள் இருக்கின்றன. அதனை மீறி எதுவும் செய்ய முடியாது. கண்டிப்பாய் சன் குழுமம் போன்ற பெருதொழில் நிறுவனங்களுக்குத்தான்  நீதிமன்ற‌ங்களில் இறுதிவெற்றி கிடைக்கும் என்பதில் எவ்வித ஐயமுமில்லை.

அனைத்து நிறுவனங்களும் அதிகாரத்தில் இருப்பவர்களுடன் அனுசரித்துச் செல்லத் தயாராய் இருக்கின்றன. முடியாத பட்சத்தில் மேற்கண்ட வழிமுறைகளைப்பின்பற்றித் தங்க‌ளைக் காத்துக் கொள்கின்றன. ஒட்டுமொத்த நிறுவனத்தையும் இப்பொழுதைய காலகட்டத்தில் முடக்குவது ஒரு போதும் சாத்தியமில்லை. 



இப்பொழுது சன் நிறுவனங்களுக்கு ஏற்பட்டுள்ள சிக்கலை அது உரிய முறையில் குறித்த கால அவகாசத்தில் தீர்க்க முடியும். ஆனால் அதற்குத் தயங்குகிறது. தன் மீதான விசாரணையையும் அதன் விளைவையும் சந்திக்க அச்சப்ப‌டுகிறது. ஆகையால் தன்னிடமிருக்கும் ராட்சச ஊடக பலத்தால் வீதிக்கு கொண்டு வந்துள்ளது, ஓங்கி ஒலித்து ஒப்பாரி வைக்கிற‌து.

ஆரம்பத்தில் ஓரிரு வருடங்கள் தவிர ஆட்சியில் இருப்ப‌வர்களின் துணையுடன் தான் தன்னை சன் குழுமம் வள‌ர்த்து வந்துள்ளது. இன்னும் சொல்லப்போனால் மத்தியில் ஆட்சியில் இருப்பவர்களை அது எப்பொழுதும் அனுச‌ரணையாகத் தான் நடந்துள்ளது. மத்தியில் அதற்கு அனுசரணையான, கோலோச்சிய‌ ஆட்சி 14 வருடங்கள் தொடர்ந்து இருந்துள்ளது. மாநிலத்தில் அதன் ஆட்சி 10 வருடத்தில் இருந்துள்ள‌து. இப்பொழுது தான் மத்தியிலும் மாநிலத்திலும் அதற்கு ஆதரவான,அனுசரனையான எந்த ஆ(க)ட்சியும் இல்லை. இன்னும் சொல்லப்போனால் அதற்கு முற்று முழுவதும் எதிரான ஆட்சி இருக்கிறது. அவர்களுடன் இண‌க்கமாகப் போக இவர்கள் எடுத்த எல்லா முயற்சியும் அனைத்து வகைகளிலும் தோல்வியைத் தழுவியுள்ளது. இது அந்த நிறுவனம் இதுவரை சந்தித்திராத‌ புதிய சூழல்.

இதுவரை அவர்களுக்கு சகல வகைகளிலும் வளைந்து கொடுத்த, இவர்கள் கண்ண‌சைவில் செயல்பட்ட அதிகார வர்க்கம் இப்பொழுது அவர்களுக்கு முற்றுமுழுதாய் எதிராய் இருக்கிறது. அதிகார துஷ்பிரயோகம்,முறைகேடு,போட்டி தொழில் நிறுவனங்களை ஒடுக்கியது போன்றவற்றின் மூலம் தங்கள் சாம்ராஜ்யத்தை வானுயர எழுப்பியவர்கள் இப்பொழுது அது இல்லாமல் தக்க‌வைக்கச் சிரமப்படுகிறார்கள். இவர்கள் இதுவரை மற்ற‌வர்களுக்கு உருவாக்கிய முட்டுக்கட்டைகள் இவர்களுக்கு ஏற்படுத்தப்ப‌டுகிறது. இதுவரை ராஜபாட்டையில் நடந்து வந்தவர்கள் இப்பொழுது வெறுந்தரையில் நடக்க வேண்டியுள்ளது. இதனை அவர்களால் துளியும் எதிர்கொள்ளத் திராணியில்லை.

பிரதம அமைச்சகம்,உள்துறை,தொலைதொடர்பு என அனைத்து உயர் பீடங்களிலும் விரல் சொடுக்கில் காரியம் சாதித்தவர்கள் இன்றோ கடந்த கால முறைகேட்டின் ஒரு அடிச்செங்கலை உருவியவுடன் துடிக்கிறார்கள். இதே நிலை நீடித்தால் சீட்டுக்கட்டைப்போல் மாட மாளிகை சரிந்து விடும் என நினைக்கிறார்கள். மோசடியை தனது மூலதனமாக்கிக் கொண்ட, அதே சமயம் ஆளுந்தரப்பினை பகைத்துக் கொண்ட எல்லா நிறுவனங்களுக்கும்,தனி நபர்களுக்கும் ஏற்படுவது தான் இது.

அவர்கள் சந்திக்கும் வழக்குகளும் அவர்களை இறுக்கும் கடுமையான பிடிகளும் ,சந்தையில் சன் குழுமத்தின் மதிப்பு வீழ்ச்சியும், எதிர்நிலையில் இருக்கும் பலமான எதிரியும் சன் குழுமத்தின் மாறன்களிடம் அளவில்லாத பதற்ற‌த்தை ஏற்படுத்தி உள்ளது. அதனால் தான் தங்கள் இக்கட்டுகளை,பின்னடைவுகளை பொதுப்பிரச்னையாக மாற்றுகிறார்கள்.அதன் மூலமாவது தங்களைக் காப்பாற்றிக் கொள்ள‌ முடியுமா என அங்கலாய்க்கிறார்கள். குறைந்த பட்சம் இருக்கும் பிரச்னைகள் தலைக்கு மேல் செல்லாமல் இருந்தால் போதும் என எதிர்பார்க்கிறார்கள். அதனால் இதுவரை தாங்கள் துச்சமென யாரை மதித்தார்களோ அவர்களைத் தேடித் தேடி ஓடுகிறார்கள். இவர்களின் எதிர்பார்ப்புக்கு ஏற்றாற் போல் அனைவரும் இவர்களுக்கு எசப்பாட்டு பாடுவது தான் இதில் குறிப்பிடத்தக்க அம்சம்.






தற்கு முன் ஆட்சி அதிகாரத்தில் இருந்த மாறன் வகையறாக்கள் மற்ற‌வர்களுக்குச் செய்த கொடுமைகள் சொல்லி மாளாது. பட்டியலிட்டால் பக்கங்கள் போதாது. சில விஷயங்களை மட்டும் தொகுத்திருக்கிறோம்.

தமிழகத்தில் "ஹாத்வே" கேபிள் டிவி நிறுவனத்தை அழித்தது

ஜெ.ஜெ. டிவி, பாரதி டிவி, நிலா டிவி, உட்பட  இன்னும் பல தொலைக்காட்சிகளை முடக்கியது.

"ராஜ்" டிவியை முடக்கும் நோக்கத்தில் அதன் உரிமையாளர்களைக் கைது செய்தது

தமிழகத்தில் ஜி டிவி குழுமம் தொலைக்காட்சி தொடங்குவதற்கு பல ஆண்டுகள் மறைமுகமாக தடை உருவாக்கியது.

"ஜி தமிழ்" தொலைக்காட்சியில் ஒளிபரப்பாகிகொண்டிருந்த செய்திகளை தடுத்து முடக்கியது.

"விஜய்" தொலைக்காட்சி NDTV வுடன் இணைந்து வழங்கிகொண்டிருந்த தமிழ் செய்திகளை தடுத்து நிறுத்தியது.

தமிழகத்தில் உள்ள பல ஆயிரம் கேபிள் ஆப்ரேட்டர்களின் வாழ்க்கையை அழித்தது.

"சன்" டிடிஎச் விவகாரத்தில் "ரத்தன்" டாடா -வை மிரட்டியது.

"ஜெயா" தொலைக்காட்சி குழுமத்தில் "ஜெயா ப்ளஸ்" தொலைக்காட்சி தொடங்க விண்ணப்பித்து 3 ஆண்டுகளுக்கு மேலாகியும் அனுமதிதராமல் இழுத்தடிப்பு செய்தது.

கே.பி.கே., நிறுவிய தினகரனை குமரனிடம் இருந்து நயவஞ்சகமாய் பறித்தது.

தினமலரின் கே.எல்., சேட்டிலைட் ரேடியோ அறிமுகமான நேரத்தில் சூரியன் பண்பலை மூலம் எண்ணற்ற சேட்டிலைட் ரேடியோக்களை இடம் தெரியாமல் அழித்தது.

திரைத்துறையில் வெளியான திரைப்படங்களை அடிமாட்டு விலைக்கு மிரட்டி வாங்கியது.

764 அதிவேக தொலைபேசி இணைப்புகளை (36 மாதங்கள்) முறைகேடாக பயன்படுத்தி தயாநிதி மாறனின் போட் கிளப் வீட்டிலிருந்து அண்ணா அறிவாலயம் வரை திருட்டுத்தனமாக பூமிக்குள் புதைத்து எடுத்தது.

மேற்கண்ட  இவை எதற்கும் எந்த அரசியல் கட்சியும் இந்த அள‌வுக்கு எதிர்ப்புக் குரல் கொடுக்கவில்லை. எந்த பத்திரிகையாளர் அமைப்புகளும் கண்டனம் தெரிவிக்க வில்லை. ஆனால் அயோக்கியன் என்றாலும் பணக்காரன் வீட்டு எழவு என்பதால் துக்கம் கேட்க,அவன் துயரத்துக்கு நீதி கேட்க, சவுண்டு விட, வராத கண்ணீரைத் துடைத்த படி வரிசையில் வேகாத வெயிலில் காத்திருக்கிறார்கள்.

(எதிர்ப்புக் குரல் எழுப்பியவர்களில் ஓரிரு விதிவிலக்குகள்  இருக்கலாம்.)



தொழிலாள‌ர் நலன் போச்சு என்று பத்திரிகையாளர் சங்கங்கள் மற்றும் சில அரசியல் கட்சிகள் அனைத்தும் 'கண்ணீர்' வடிக்கின்றனர். தனது சுயநலனுக்காய் போட்டி நிறுவனங்களை நசுக்கவும், தன்னை வளர்த்து விட்ட தாத்தாவைக் காட்டிக் கொடுக்கவும்,தேவைபட்டால் வீழ்த்தவும் துளியும் தயங்காத மாறன்கள் எப்படித் தொழிலாளர் தோழன்களாகி விடுவார்கள்? கொஞ்சம் விட்டால் கலாநிதி மாற‌ன் எங்களுடன் எச்சில் கிளாசில் டீ குடிப்பார் என அவிழ்த்து விட்டாலும் விடுவார்கள் போல.

இது உண்மையா?

முதலாளிகள் தங்களுக்கு சிக்கல் ஏற்படும் பொழுதெல்லாம் தங்களைக் காத்துக்கொள்ள எடுக்கும் பல ஆயுதங்களில் முக்கியமானது தொழிலாளர் நலன். இங்கும் அட்சரம் பிசகாமல் பத்திரிகையாளர் சங்கங்கள் ச‌ன் குழுமத்துக்கு ஆதரவாய் எடுத்துள்ளன.

சன் குழுமத்திற்கு அரசின் தொந்தரவு காரண‌மாய்  ஒருவேளை இக்கட்டான நிலை வந்தால் அது இருந்த இடத்தில் இன்னும் புதிது புதிதாய் எத்தனையோ ஊடக நிறுவனங்கள் உருவாகும் வாய்ப்பு இருக்கிறது. சொல்லப்போனால் ஆக்டோபஸ் சன் குழுமம் முடங்கிய பின்பு அதிக வேலை வாய்ப்புக்கள் உருவாகும் சாத்தியக் கூறுகள் தான் உண்டு.

தயாநிதி மாறன் தொலைதொடர்பு அமைச்சர் பதவியில் இருந்து விலகிய பின்பு தான் புதிது புதிதாய் தனியார் தொலைக்காட்சிகள் உருவானது,வேலைகள் பல்கிப்பெருகியது என்பது அப்பட்டமான நிஜம்.

இந்த மடம் இல்லையென்றால் இன்னொரு மடம். திறமை உள்ளவனுக்கு இடமா இல்லாமலா போய்விடும்? என்னமோ ஊரில் இருந்து கிளம்பும் பொழுது மாறன் பிள்ளை வேலை கொடுப்பான்,வயிற்றைக் கழுவலாம் என்ற எண்ண‌த்துடனா எல்லோரும் ரயில் ஏறினார்கள். முழுக்க அபத்தமான வாதமாய் இருக்கிறது. இன்னொன்று 'சத்யம்' நிறுவனம் பூட்டும் நிலை வந்தபொழுது நீதிமன்ற‌ம் தலையிட்டு இன்னொரு நிறுவனம் அதனை ஏற்று நடத்த உத்தரவிட்டது. அது போல நடக்க‌வும் வாய்ப்பு உண்டு.

இன்னொரு விதத்தில் பார்ப்போம்.

இதுவரை சன் நெட்வொர்க் நிறுவனம் தொழிலாளர் விரோதப்போக்கை கையாண்டதில்லையா..? சில ஆயிரங்கள் சம்பளத்தில் வேலை பார்த்த பழைய தினகரனின் திறமையான நூற்றுக்கணக்கான ஊழியர்களை எதேச்சதிகாரமாய் வேலையை விட்டு நிறுத்த வில்லையா..?  இப்பொழுது அறிக்கை விடுபவர்கள் எல்லாம் அப்பொழுது எங்கு போனார்கள்..?

மாறன்களின் தொழிலாளர் நலனுக்கு சிறு எடுத்துக்காட்டுச் சொல்கிறோம்.

தினகரன் நிறுவனத்தால் பாதிக்கப்ப‌ட்ட கோவிந்தராஜ் என்னும் ஊழியர் தினகரன் நிறுவனத்தின் மீது தொழிலாளர் நல நீதிமன்ற‌த்தில் வழக்குத் தொடுத்து வருடம் ஒன்று ஆகிறது. இன்றுவரை பதில் மனு கூடத் தாக்கல் செய்யவில்லை தினகரன் நிர்வாகம். வேலையும் இழந்து வேலூரில் இருந்து நிர்க்கதியாய் அலைந்து கொண்டிருக்கிறார் கோவிந்தராஜ்.  பதில் மனு தாக்கல் செய்து வழக்கு வருடக்கண‌க்கில் நடந்து உரிய தீர்வு கோவிந்தராஜூக்கு எப்பொழுது கிடைக்கும்? அதற்குப்பின் தான் இன்னொரு நிறுவனத்தில் வேலைக்குச் சேர முடியும். இது போல இன்னும் பல‌ தொழிலாளர்கள் வாழ்க்கை நிர்க்கதியாய் இருக்கிறது. இதுதான் சன் குழுமத்தின் தொழிலாளர் நலன். இவர்களின் அறிக்கையைப் பார்த்து மாறன்கள் கண்டிப்பாய் வாயால் சிரிக்க மாட்டார்கள்.

சன் நெட்வொர்க்கில் வேலை பார்க்கும் ஊடக நண்பர்களுக்கு ஒன்று சொல்கிறோம். எச்ச‌ரிக்கையாய் இருங்கள். கொஞ்சம் அசந்தால் உங்கள் மீது மண்ணென்னெய் ஊற்றித் தீவைத்து விட்டு, சன் குழுமத்துக்கு ஆதரவாக பத்திரிகையாளர் தீக்குளிப்பு என எட்டு கால நியூசும், எட்டுத்திக்கமும் செய்தியும் போட்டு விடுவார்கள். ஜாக்கிரதை.

ஆட்சி அதிகாரத்தின்,முறைகேட்டின் மூலமும்,பிறரை ஒடுக்கியதன் மூலமும் தனது ஏகபோகத்தை நிலைநிறுத்திய நிறுவனம் இன்று தனது பழைய முறைகேடுகளின் மூலம் எழுந்த பல சிக்கல்களிலிருந்தும், அத்துடன் அதனைத் தன் விருப்பு வெறுப்புக்காய் துரிதப்படுத்தும் அதிகார மையத்திடமிருந்தும் எதிர்கொள்ள முடியாமல் ஊளையிடுகிறது. ஊளைச் சத்தத்திற்கு நாம் செவிமடுத்தால், தன்னைத் தற்காத்துக்கொண்டு நாளை நம்மைத்தான் அது தாக்கும் என்பது உறுதி.

ஆகவே சன் குழுமத்துக்கு, ஆதரவு என்பதை ஏற்றுக்கொள்ள முடியாது. நீதிமன்றங்களில் நிலுவையில் இருக்கும் வழக்குகளில், உரிய அமைப்புக்களில் முறையிட்டு அதனைத் தீர்த்துக்கொள்வது தான் சரி.

நாம் என்ன தான் வளைத்து வளைத்து எழுதினாலும், ஒரு நிறுவனத்தை அரசு தவறான முறையில் முடக்க,முட்டுக்கட்டை போடுவது தவறு தானே, அதற்கு கண்டனம் தெரிவிப்பதும், சன் குழுமத்துக்கு தார்மீக ஆதரவு தெரிவிப்பதும் தானே சரி என யாராவது நண்பர்கள் வாதிடலாம்.

ஊர்ப்பக்கம் ஒரு பழமொழி இருக்கிறது.

"வெளக்கமாறை எடுத்து பெருச்சாளியை அடி"

வீட்டில் இருக்கும் பெருச்சாளியை நம்மால் அடிக்க முடியாது. அதனை எதைக்கொண்டு செய்தால் என்ன?

அடித்ததற்காய் வெளக்கமாத்துக்கு கண்டனமோ,பாராட்டோ தெரிவிக்க முடியாது. அதே போல அடிவாங்கிய பெருச்சாளிக்காய் வருத்தப்படவோ,தடவிக்கொடுக்கவோ முடியாது.

இதே நிலை தான் இங்கும் பொருந்தும்.

 அறிவிப்பு 

சன் குழுமத்தின் மீதான நடவடிக்கை குறித்து ஒரு வாக்கெடுப்பு நடத்துகிறோம். இந்தப் பக்கத்தின் வலது பக்கத்தில் நடக்கும் இந்த வாக்கெடுப்பில் உங்கள் வாக்குகளைப்பதிவு செய்ய வேண்டுகிறோம்.


தொடர்புடைய இணைப்புக்கள்

https://www.savukkuonline.com/11763/

http://kalakakkural.blogspot.in/2015/05/blog-post_4.html

http://kalakakkural.blogspot.in/2015/04/blog-post_16.html

http://kalakakkural.blogspot.in/2014/10/200.html

http://www.scroll.in/article/742394/as-marans-sun-tv-takes-on-home-ministry-other-tamil-channels-take-on-sun-tv

Sunday, 14 June 2015

ஈயடிச்சான் காப்பி அடிக்கும் ’தி இந்து’


சென்னை ஜி.என்.செட்டி சாலை பெனின்சுலா ஓட்டல் முன்புறம் அமைந்துள்ள தேநீர்க்கடை. ஊடகவியலாளர்கள் அன்பரசு, பார்த்தசாரதி, ரவிக்குமார், அன்வர் ஆகியோர் சந்திப்பு.

ஆளுக்கொரு தேநீர் சொல்லி விட்டு உரையாடலைத் தொடங்கினர்.

” மீடியாவில் என்னப்பா நடக்குது?”  ஆரம்பித்து வைத்தார் அன்பரசு.

நம்ம அடையாளம்’ புதுசா வந்திருக்குதாமே? “ஆர்வத்துடன் கேட்டார் ரவிக்குமார்.

” ஆமா. தேர்தல் வருதுல்லே. திருவிழாக் கடை போல புதுசு புதுசா பத்திரிகைகள் வரத்தான் செய்யும். பத்திரிகை தேர்தலுக்குப் பிறகும் வருமாங்கிறதுதான் கேள்வி“ சாரதி ஊடக  நடப்பை உரித்து வைத்தார்.

கோசல்ராம் தொழிலாளியாஇருந்து ’எப்படியோ’ முதலாளியா ஆகிட்டார். அல்லது இதன் ’பின்னணி’ யார் என்றும் தெரியலை. பின்னணி யாரா இருந்தாலும் ’நோக்கம்’ ஒன்னு தான். அவர் ஊழியரா வேலை பார்த்த ’குமுதம் ரிப்போர்ட்டரி’லேயே இதுக்கு விளம்பரம் வந்தது. ”

” அது சரி. பத்திரிகை எப்படி இருக்கு? அதைச் சொல்லுங்க. ” ரவிக்குமார் ரிசல்டுக்கு காத்திருந்தார்.

”கதிர்வேல் தான் முதன்மை ஆசிரியர்.  செய்திகளிலும் சரி பக்க அளவுகளிலும் சரி ’கனம்’ இல்லை.





இதில் கூட அட்டையைப் பாருங்க. யார் பேட்டின்னு சொல்லாமல் அவர் போட்டாவை மட்டும் வைத்திருக்காங்க. தமிழிசை சவுந்தர்ராஜன் முகம் நம்மூர்ல எத்தனை பேருக்குத் தெரியும்? அடித்துச் சொல்கிறார் தமிழிசை ன்னு உள்ளே சொல்லியதை வெளியேவும் வைத்திருக்கலாம்.

அதே சமயம் ’டார்க் ரூம்’ என்னும் உரையாடல் பகுதி வருது. அதில் பங்கேற்கும் சூனா கானா இருவரும் டேய், வாடா,போடா என தரக்குறைவாகவே பேசுறாங்க. திரைப்பட காமெடி, டீக்கடை உரையாடலுக்கு வேண்டுமானால் இது சரியா இருக்கலாம். ஆனால் பத்திரிகைக்கு இப்படிப்பட்ட தரக்குறைவான உரையாடல்  வடிவம் சரிவராது. சரி. நாம் என்ன செய்யுறது? 

ஏன் இப்படிப்பட்டதை அனுமதிக்கிறாங்கன்னு தெரியலை. புதிய பத்திரிகையை இதுக்கும் மேல இப்ப விமர்சனம் செய்வதை விட  கொஞ்ச காலம் கழித்து விமர்சனம் செய்வது தான் சரியானதா இருக்கும். ” 

பார்த்தசாரதி தனது விமர்சனத்தைப் பதிவு செய்தார்.





புது முதலாளியைப் பத்தி பேசினோம். ரெண்டு பழைய பெரு முதலாளிகள் இப்ப ஒன்னு கூடிட்டாங்க தெரியுமா? “ அன்பரசு புதுச் சங்கதியை எடுத்து விட்டார்.

” அப்படியா முதலாளிகள் எல்லாம் எப்ப அடிச்சுக்குவாங்க? எதுக்கு அடிச்சுக்குவாங்க? எப்ப கூடிப்பாங்கன்னு யாருக்குத் தெரியும்? அது வழக்கமா நடக்கிறது தானே, யார் அவங்க? “

” வேற யாரு? மாறன் கம்பெனியும் ராமசுப்பைய்யர் கம்பெனியும் தான்.”

” ஆரியமும், திராவிடமும் கைகோர்த்துச்சா? ” அன்பரசு அரசியலைக் கொண்டு வந்தார்.

” ஆமாம். பிழைப்புக்கு ஏது கொள்கை மாறுபாடு? முதல் பக்கத்தில் நாய்ச் சண்டை போட்டவங்க இப்ப கூடிக்கும்மாளம் போடுறாங்க. ’தொல்காப்பியர்’ விருதை ’தினமலர்’ ஆசிரியர் இரா. கிருஷ்ணமூர்த்தி வாங்கியதை ’தினகரன்’ வெளியிட்டுச்சு. 

அதே சமயம் மாறன்கள் வழக்கு விஷயத்தை ’தினமலர்’ கூடிய மட்டும் அடக்கி வாசிக்குது. என்ன மாயமோ தெரியலை.

"அதே போல 'நக்கீரனும்' இப்ப 'சன்' குழுமம் கூட நெருக்கமாக முடிவு பண்ணிட்டாங்க‌  போல..? 

முன்பு கோபால்- தயாநிதிமாறன் ரெண்டு பேருக்கும் ஒரு பஞ்சாயத்து இருந்தது. அதே போல ஆ.ராசாவை ஸ்பெக்ட்ரம் ஊழலில் காட்டிக் கொடுத்த கோபம் கூட்டாளி காமராஜூக்கு இருந்தது. அதனால் சன் குழுமத்துக்கு எதிரா 'தினமலர்', 'தினமணி'யை விட அதிக எதிர்ப்பா 'நக்கீரன்' இருந்தது. இப்ப என்னாச்சோ தெரியலை. தொடர்ச்சியா ஆதரவு செய்திகள் வருது.





சன் குழுமம் கைமாறுதுன்னு செய்தி வந்தப்ப அப்படி இல்லைன்னு ஒரு மறுப்பு பதிவு நக்கீரனில் வந்துச்சு. சன் தொலைக்காட்சி அலைவரிசை இப்ப நெருக்கடியில் இருக்கும் நிலையில் மீண்டும் ஒரு ஆதரவுச் செய்திப் பதிவு. 'நமது நிருபர்' பெயரில்."
தேர்தல் வரும் நேரத்தில் கூட்டாளிகள் எல்லோரும் கரம் கோர்க்க நினைச்சுருப்பாருங்க. 


பூவுலகின் நண்பர்கள்,என்.ஜி.ஓ.


தே மாதிரி ’புதிய தலைமுறை’ தொலைக்காட்சியும் மாறனும் கேபிள் விஷயத்தில் ராசியாய்ட்டாங்கன்னு முகநூலில் சரவணன் எழுதியிருக்கார் பார்த்தீங்களா? “ பார்த்தசாரதி

”ஆமாம். அதுக்கும் பின்னணி தெரியலை. குழாயடி சண்டையில் தான் அயோக்கியத்தனம்  கொஞ்சமாச்சும் வெளிச்சத்துக்கு வரும். ஒன்னு சேர்ந்துட்டா எப்படி வெளிவரும்? இது நமக்கு நல்லதுக்கில்ல என்பது  மட்டும் கண்டிப்பா சொல்லலாம். ” சிரித்துக் கொண்டே பார்த்தசாரதி சொன்னார்.


” ஆமாம். சிவந்தி ஆதித்தன் நினைவு நாளுக்கு முன்னாடி சமரசமாயிட்டாங்க. அதையொட்டி ரெண்டு பேரும் கொடுத்த நினைவஞ்சலிஅறிக்கையும் தந்தியில் பெரிய அளவில் வந்தது.”

”அதானே வைகோ யாரை வேண்டுமானாலும் பகைப்பார்; தனக்கு அறிக்கை மூலம் அரசியல் வாழ்வளிக்கும் பத்திரிகை முதலாளிகளை ஒருபோதும் பகைச்சுக்க மாட்டார். எப்படியாச்சும் சமரசமாகிடுவார். ”

சரி விடுப்பா, பல பிரச்னைகளுக்கு வெற்று அறிக்கை விடவாவது ஒரு தலைவர் இருக்காருன்னு நினைச்சுக்குவோம். ”





 “தினகரன்’ நிறுவனம் கார்ப்பரேட் நிறுவனமா ? காயலாங்கடையான்னு தெரியலையே? “ கடுப்பைக் காட்டினார் பார்த்தசாரதி.

என்னாச்சு?

” ஒரு ரிப்போர்ட்டர் அங்க இங்க அலைஞ்சு, பலபேரோட போனில் பேசினாத்தான் நல்லபடியா செய்தி சேகரிக்க முடியும். இருந்த இடத்தில் டெஸ்க் ஒர்க் பண்ணா நல்லா இருக்காது. தினகரன் நிர்வாகத்தில் உயர் மட்டத்தில் இருப்பவங்களுக்கு இந்த அடிப்படை அறிவு கூட இல்லை. ரிப்போர்ட்டர்களின் பெட்ரோல் அலவன்ஸ், செல்போன் பில் அலவன்ஸ் ரெண்டையும் கட் பண்ணிட்டாங்களாம். இதனால் எல்லா ரிப்போர்ட்டர்களும் எரிச்சல் ஆகியிருக்காங்க. கைக்காசு போட்டா மாறன் கம்பெனிக்கு செய்தி சேகரிக்க முடியும்? “

” ஓ. அலுவலகத்தில் இருந்து செய்தி சேகரித்தால் போதுமா..? அவங்க சீப் ரிப்போர்ட்டர் அந்தமாதிரி உட்கார்ந்த இடத்தில் இருந்து கொடுத்த செய்தியை வாங்கி வெளியிடுவதால் எல்லோரும் அப்படின்னு நினைச்சுட்டார் போலருக்கு. கம்பெனி உருப்பட்ட மாதிரிதான்.  ”

” அதுசரி ’தினகரன்’ நிறுவனத்தில் மஜிதியா கமிட்டி பரிந்துரைப்படி ஊதிய உயர்வு அமலுக்கு வந்துடுச்சா ? “ அன்வர்

” இல்லை. ஊதிய உயர்வு அளிக்கப்பட்டிருக்குது, ஆனால் மஜிதியா சம்பள கமிட்டி பரிந்துரைகள்  முழுமையாக அமல்படுத்தப்படவில்லை. யாரும் இதை எதிர்த்துக் குரல் கொடுக்கவில்லை என்பது தான் உண்மை. ” 

பார்த்தசாரதி அப்டேட் சொன்னார்.






ல்கி’யில் அருள்வாக்கு என்னும் பகுதி ஒவ்வொரு இதழிலும் வெளிவருது. இதில் எப்பவும் சங்கராச்சாரி வாக்கு மட்டுமே வெளிவருது. இந்த இதழைக் காசு கொடுத்து எல்லா மதத்தினரும் தான் வாங்கிப் படிக்கிறாங்க. எல்லா மதத் தலைவர்கள் வாக்கும் வெளியிடுவது தானே சரி? அதிலும் இந்து மதத்திலும் எத்தனையோ பிரிவுகள் இருக்குது. அவர்களுக்கும் வாய்ப்பளிக்கணும். அதை விட்டு செத்துப்போன சங்கராச்சாரிக்கு மட்டும் வாய்ப்பளிப்பது ஒருதலைபட்சமானது மட்டுமல்ல சாதிப்பாசமும் கூட? திருத்திக்குவாங்களா..? “

“நடக்கிற கதையைப் பேசுங்க. “

 “ தொலைக்காட்சி செய்திகள் எதுவும் இருக்குதா? “ அன்பரசு காட்சி ஊடகம் பக்கம் பேச்சைத் திருப்பினார்.

” இல்லாமலா? ‘புதிய தலைமுறை’ தொலைக்காட்சியில் இப்ப மறுபடியும் சிலரைக் காலி பண்ணிட்டாங்களாம். சிலருக்கு கல்தாவாம். அடுத்து யார் தலைக்கு கத்தின்னு அங்கே வேலை பார்க்கும் ஒவ்வொருத்தரும் பயந்து போய் இருக்காங்களாம்.”




தின இதழ்’ முதலாளியை கைது செய்த மாதிரி  ’புதிய தலைமுறை’ ஊடக குழுமமுதலாளி பச்சமுத்துவையும் கைது செய்ய வேண்டும் என்று ஒரு அமைப்பு போர்க்குரல் எழுப்பியிருக்குதே? பார்த்தீங்களா..?

” ஆமாம். போலியான ஆவணங்கள் மூலம் தனது கல்லூரிக்கு அனுமதி வாங்கிட்டாருன்னு குற்றச்சாட்டு எழுப்பியிருக்காங்க. நிறைய செய்தியாளர்களுக்கும் இது தொடர்பா மின்னஞ்சல் அனுப்பியிருக்காங்க. “

” ஏரியை ஆக்கிரமிச்சார். அதற்கு மேல் போலியான ஆவணங்கள் மூலம் இவர்களே அனுமதியா? இதை எதிர்த்து டிவியில் தோன்றும் அரசியல் விமர்சகர்கள் ஒருத்தரும் பேச மாட்டாங்க என்பது தான் நிஜம். ” அன்பரசு


பகவான் சிங்
ரி விடுங்க. நியூஸ் 7 தொலைக்காட்சியிலிருந்து ராஜேஷ் சுந்தரம் விலகிட்டார். அதே சமயம் செய்தி ஆசிரியரா பகவான் சிங் பொறுப்பேற்று விட்டார் போல.

”அது புதிய செய்தி இல்லை. அது பழைய செய்தி.அவர் ஜெயலலிதா வழக்கிலிருந்து விடுதலை பெற்றதற்கு வாழ்த்து தெரிவித்தது அடுத்த செய்தி.அதையும் பார்த்தேன். ”



துவும் கொஞ்சம் பழைய செய்தி தான். சன்டிவியின் அவதூறுச் செய்திக்கு எதிரா வழக்குத் தொட‌ர்ந்து நடிகை சுகன்யா வெற்றி பெற்றிருக்கார் பார்த்தீர்களா?

ஆமாம். எல்லோரும் அமைதியாய் சகித்துக்கொண்டு இருக்கும் பொழுது போராடி வெற்றிபெற்ற சுகன்யாவுக்கு வாழ்த்துக்களைத் தெரிவித்திடுவோம். 








**


ந்தி டிவி க்காரங்க தங்கள் தொலைக்காட்சியைப் பார்க்கும் மக்களை மடையர்களாக நினைப்பது இன்னும் நின்ன பாடில்லை. அம்பேத்கர்- பெரியார் மாணவர் வட்டத்திற்கான அங்கீகாரம் ரத்துன்னு சொல்றதுக்குப் பதிலா, மாணவர் வட்ட அங்கீகாரம் ரத்துன்னுதான் சொல்றாங்களாம்.  அதைப் போல ஜெயலலிதாவின் சொத்துக்குவிப்பு வழக்குன்னு இவங்க வாயில ஒரு போதும் வரமாட்டேங்குது. சொத்து வழக்குன்னு தான் சொல்றாங்க. தந்தி செய்தித்தாளில் வருவதற்கு மாறுபட்டு தந்தி டிவியில் வருது. ” பார்த்தசாரதி




” இது முதலாளிக்கு தெரிஞ்சு நடக்குதா? அல்லது பாண்டேவின் தனிப்பட்ட கைவரிசையான்னு தெரியலை. தந்தி டிவி பார்க்குற கொஞ்ச நஞ்ச பேரையும் வேற சேனல் பக்கம் ரிமோட்டை மாற்ற வைக்க சாதிவெறி பாண்டே கங்கணம் கட்டிக்கிட்டு வேலை பார்க்குறார் போல. ” அன்வர்




ன்னொரு செய்தி சொல்லணும். ’தினமணி’ வைத்தியநாதன் பற்றிய நம் பதிவில் இன்னொரு விவரத்தையும் சேர்த்திருந்தால் நல்லா இருந்திருக்கும். ” ஞாபக அடுக்கிலிருந்து செய்தியை ரவிக்குமார் எடுத்து வைத்தார்.

”எதைப்பத்தி? ” பார்த்தசாரதி

அதாவது வைத்தியநாதன் ஜெயலலிதாவுக்கு மட்டுமல்ல, சந்தர்ப்பத்துக்குத் தகுந்த மாதிரி கருணாநிதிக்கும் ஜால்ரா போடுறவர். இது யாருக்கும் தெரியலை.

அப்படியா? பார்த்தசாரதி

ஆமாம். கருணாநிதி ஆட்சியில் கோவையில் செம்மொழி மாநாடு நடந்தது இல்லையா? அப்ப கருணாநிதி இவரை வெளிநாடுகளில் இருந்து வரும் விருந்தினர்களை வரவேற்று உபசரிக்கும் கமிட்டியில் ஒரு உறுப்பினராக நியமிக்கிறார்.

நியமனம் எப்படி நடந்தது தெரியுமா? கருணாநிதி இவரை நியமனம் செய்யுறார். அதை மறுப்பது போல வைத்தியநாதன் போங்கு ஆடுகிறார். திரும்ப கருணாநிதி வலியுறுத்த டக்கென்று அதனை ஏற்றுக்கொள்கிறார். அதைத் தொடர்ந்து, கருணாநிதிக்கு இவர் நன்றி தெரிவித்து ஒரு கடிதம் எழுதுகிறார். அதில் கருணாநிதியே கூச்சப்படும் அளவுக்கு புகழ்கிறார். 
(இது குறித்த கருணாநிதியின் அறிக்கை நவம்பர் 22, 2009 தேதியிட்ட முரசொலியில் இருக்கிறது)

” இந்த நியமனத்தால் வைத்திக்கு என்ன பலன்?”

உடனடி பலன் இல்லை தான். ஆனால் அங்கிருந்து  மாநாட்டுக்கு வருபவர்களுடன் ஒரு தொடர்பை ஏற்படுத்திக்கொண்டு காலம்காலமாக அதைப் பேணிக்காத்து ஏதாவது ஒருவழியில் பயனடையவும் செய்யலாம் என்பது அறிந்தவர்களுக்குத் தெரியும்.

ம்ம். அலங்காரப் பதவி எப்ப காரியம் சாதிக்கும் பதவியாக மாறுமோ? யாருக்குத் தெரியும். அதற்கே மயிர்க்கூச்செறியும் வாழ்த்துப்பாவா?”

 ரி ’தி இந்து’ தமிழ் நாளிதழ் படிக்கிறீங்களா? ”அன்பரசு

”படிக்காமல் எப்படி? விற்பனை மிகவும் குறைவு ஆகிட்டதுன்னு தகவல். ’தினமணி’ தனது வாசகர்களை சற்று இழந்தாலும் விற்பனையைத் தக்க வைத்து விட்டது. ’தினமலர்’ மாநிலத்தில் ஆளுங்கட்சி எதிர்ப்பு நிலை எடுத்து விட்டதால் தன்னுடைய பெரும்பகுதியான நடுத்தட்டு, உயர்தட்டு நடுத்தர வாசகர்களைத் தக்க வைத்து விட்டது. அதனால் அவர்களுடனும் போட்டி போட முடியவில்லை.

அதுபோக  ’தி இந்து’ நாளிதழுக்கு விளம்பரங்களும் போதிய அளவில் இல்லை. அதனால் வேறுவழியில்லாமல் அரசு விளம்பரங்களைத் தான் வழக்கம் போல் எதிர்பார்க்கும் நிலை. ஆகவே ஆளுங்கட்சி புகழ்ச் செய்தி போடுவதில் ’தினத்தந்தி’க்கு போட்டி போடுறாங்க. “ அன்வர் முடித்தார்.

”வருமானக் கணக்கெல்லாம் சரி தான். ஆனால் ஜால்ராவைக்கூட ஒழுங்கா போடலையே? “

”அதுக்கு கஷ்டப்படணும் சார்.” அன்வர் தொடர்ந்தார்.







தொடரும் 4 ஆண்டு சாதனைப் பயணம்னு பக்கம் பக்கமா எழுதுறாங்க. அதை எத்தனையோ வடிவங்களில் வித்தியாசமா எழுதி படிப்பவர்களிடம் கொண்டு சென்றிருக்கலாம். ஆனால் தமிழக அரசு பத்திரிகையான ’தமிழரசு’ பத்திரிகையில் வந்ததை அப்படியே தொகுத்து வெளியிடுறாங்க. சினிமா தியேட்டரில் ஒளிபரப்பப் படும் அரசின் சாதனை விளம்பரம் பார்த்த மாதிரி இருக்குது. இதைச் செய்றதுக்கு டைப்பிஸ்டும், லே அவுட் ஆர்ட்டிஸ்டும் போதுமே? எடிட்டோரியலில் இருப்பவர்களுக்கு சொந்த மூளை இல்லையா?  குறைந்த பட்சம் யாரிடமாவது கருத்து வாங்கிப் போட்டாவது பக்கங்களை நிரப்பியிருக்கலாம்.



பத்திரிகையில் வெளிவந்த இந்த செய்திக் கட்டுரைகளை(!) ’தி இந்து’ இணையத்தில் இருந்து திடீரென்று நீக்கிட்டாங்க. இதைப் படிச்சுட்டு அச்சடிச்சு வெளிவராத பேப்பர்காரன்கூட சிரிப்பான்னு நினைச்சுட்டாங்க போல.



அரசு மருத்துவக் காப்பீட்டுத் திட்டத்தில் 10.40 லட்சம் பேருக்கு சிகிச்சை


4 ஆண்டுகளில் 4572 புதிய பேருந்துகள் இயக்கம்

2165789 மாணவர்களுக்கு விலையில்லா மடிக்கணினிகள்

உண்மையாய், நேர்மையாய், நடுநிலையாய்  செய்தி வெளியிடுவார்கள் என நம்பிக் காசு கொடுத்துப் படிக்கும் வாசகனை பத்திரிகை நிறுவனம் ஏமாத்துது. தனிப்பட்ட லாபங்களுக்காக ஆட்சியில் இருப்பவர்களுக்கு கூஜா தூக்குறாங்க. அதைப்போல நிறுவனத்திடம் வேலை பார்க்கும் ’அறிவிற்சிறந்த’ பத்திரிகையாளர்களோ பல்லாயிரக்கணக்கில் சம்பளத்தை முதலாளியிடம் வாங்கிட்டு, மூளைக்கு சிறிதும் வேலை கொடுக்காமல் ’தமிழரசு’ வைப் பார்த்து ’ஈயடிச்சான் காப்பி’ அடிக்குறாங்க. சம்பளம் கொடுக்கும் முதலாளியையும், காசு கொடுத்துப்படிக்கும் வாசகனையும் ஒட்டுமொத்தமா முட்டாளாக்குறாங்க.

ஆனா ஒன்னு ’தி இந்து’ வருவதால் யாருக்கு உபயோகமோ இல்லையோ, நடுப்பக்க கட்டுரையாளர்கள் சிலருக்கும், குறிப்பிட்ட சில பதிப்பக முதலாளிகளுக்கும் நல்ல உபயோகமா இருக்குதுங்கிறதையும் சொல்லணும்.

சபை கலையும்முன் எல்லோருக்கும் தெரிந்த பழைய சுவாரஸ்யமான செய்தி ஒன்னு சொல்றேன். ட்டு இடத்தைக் காலி பண்ணுவோம்” ரவிக்குமார் பீடிகையுடன் ஆரம்பித்தார்.

று வருடங்களுக்கு முன் இருக்கும். கல்லூரி சாலையில் இருக்கும் பள்ளிக் கல்வித்துறை வளாகத்தில் துறை தொடர்புடைய ஓரிரு முன்னணி தமிழ் நாளிதழ் நிருபர்கள் குழுமியிருந்தார்கள். துறை தொடர்புடைய முக்கிய அறிவிப்பு சிறிது நேரத்துக்கு முன்பு வெளியாகியிருந்தது. அது பற்றிய விளக்கங்களைப் பெற அமைச்சருக்கு எந்த நிருபர் போனில் அழைத்தாலும் அவர் எடுக்கவில்லை.   அமைச்சர் யாரென்றால் தந்தை இறந்த காரணத்தால் அரசியலுக்கு வந்தவர். அமைச்சரவைக்கு புதிய முகம் என்றாலும் தனது திறமையின் காரணமாய் ஏற்றுக்கொண்ட பொறுப்புக்கு சிறிது காலத்திலேயே  தன்னைத் தகுதிப்படுத்திக் கொண்டார். நிருபர்களுக்கு மதிப்புக் கொடுப்பவர் என்றாலும் சில நேரங்களில் இப்படிச் செய்வார்.

அப்பொழுது ‘தினமணி’ தவிர அனைத்து நாளிதழ்களும் அரசு ஆதரவு நிலையில் தான் இருந்தன. நிருபர்களுக்கு சற்று எரிச்சல். உடனே தங்களுக்குள் ஒரு முடிவுக்கு வந்தார்கள்.  அண்ணா சாலை பிரபல ஆங்கிலப் பத்திரிகையின் பெண் நிருபர் அதே வளாகத்தில் இன்னொரு பகுதியில் இருந்தார்.  அவரிடம் சென்று அரசின் அறிவிப்பு குறித்து எதுவும் தெரியுமா ? என்று கேட்டார்கள். தெரியாது என்று சொன்னவர், மினிஸ்டர்கிட்ட கேட்டுடுவோமே என சிரித்த முகத்துடன் தொலைபேசியில் அழைத்தார்.

பெண் என்றால் அமைச்சர் இரங்க மாட்டாரா என்ன?

அமைச்சர் தொலைபேசியை உடனடியாக அட்டண்ட் செய்தார். ஆண் நிருபர்கள் முகம் இருட்டுக்குச் சென்றது. 

நிருபரின் புன்சிரிப்புடன் கூடிய கேள்விக்கு உரிய விளக்கத்தை கூடுதல் நேரம் செல்வழித்துச் சொன்னார். சிரிப்புடன் போனை வைத்த நிருபர், அனைவருடனும்  கிடைத்த தகவல்களைப் பகிர்ந்துகொண்டு கிளம்பினார்.

காரியம் கைகூடினாலும் நிருபர்களுக்கு கொஞ்சம் எரிச்சல்தான். கோடிக்கணக்கான மக்களிடம் செய்தியைச் சேர்க்கும் தமிழ்ப் பத்திரிகைகளின் மதிப்பு இவ்வளவுதானா என்னும் எண்ணமும், ஆண் நிருபர்களின் செல்வாக்கு லட்சணம் தெரிந்ததாலும் கோபம் அவர்களின் முகத்தில் தெரிந்தது.

ஓரிரு நிமிடங்கள் கழிந்த நிலையில் தந்தி நிருபர் அமைச்சரைப் போனில் திரும்பவும் அழைத்தார். அமைச்சருக்கு ஏதோ பொறி தட்டியதோ என்னவோ அல்லது என்ன காரணமோ தெரியவில்லை, இந்த முறை தொலைபேசியை அட்டண்ட் செய்தார். எடுத்தவுடன் தந்தி நிருபர் விஷயத்துக்கு வந்தார்.

“ என்ன சார் கொமரிப் பிள்ளைக போன் பண்ணா எடுத்து அக்கறையாப் பதில் சொல்றீங்க. நாங்க போன் பண்ணா கண்டுக்க மாட்டிக்கிறீங்க. இப்படி நீங்க பண்ணினா நாங்க எப்படி பொழப்ப  பாக்குறது? நாங்களும் கஞ்சி குடிக்கணுமில்ல. வயித்துப்பாட்டுக்கு ஊர்ல போயி வெள்ளாமையா பாக்க முடியும்? கொஞ்சம் கருணை காட்டுங்க சார்…! என எள்ளலும் சற்று எரிச்சலுடனும் பேசினார். 

அமைச்சர் அவர் டிரேட் மார்க் சிரிப்புடன் சமாளித்தார். விளக்கங்களை திரும்பவும் அளித்து உரையாடலை இயல்பாக மாற்றி சிநேகத்துடன் முடிவுக்கு கொண்டுவந்தார்.  

சபை கலைந்தது


Saturday, 30 May 2015

முன்பகை + கற்பனை = தமிழக அரசியல் ’புலனாய்வு’ செய்தி..!


ரத்குமார்- தற்பொழுதைய நிலையில் தமிழக சட்டமன்ற உறுப்பினர்.

அ.தி.மு.க., தி.மு.க., அ.தி.மு.க., தனிக்கட்சி, என பல பரிணாமத்திற்குப் பிறகு தற்பொழுது அ.தி.மு.க., சார்பில் சட்டமன்ற உறுப்பினராக இருப்பவர். தமிழக அரசியலில் இவரது செல்வாக்கு,   அதிமுக உறுப்பினர் அத்துடன் இரண்டாம் நிலை நடிகர் என்பதைத் தாண்டி ஒன்றுமில்லை. இதைத் தவிர்த்து நடிகர் சங்கத் தலைவராகவும் இருக்கிறார். ஒரு அதிமுக உறுப்பினரின் செல்வாக்கு அவர்களது கட்சித் தலைமை முன்பு எந்த நிலையில் இருக்கிறது என்பது உலகுக்குத் தெரியும். அப்படி ஒரு எண்ணம் சரத்குமாரின் கனவில் வந்தாலே அதற்கான 'விலை' என்ன என்பது ’புலனாய்வு’ பத்திரிகையில் வேலை பார்க்கும் காவலாளிக்கும் மிக மிக நன்கு தெரியும். 

ஆனால் சரத்குமார் தமிழக முதல்வராக (!) முயற்சிக்கிறார் என்று இரண்டு கவர் ஸ்டோரிகளைத் ’தமிழக அரசியல்’ வாரமிருமுறை இதழ் ஓரிரு வாரங்களுக்கு முன் வெளியிட்டது.

’அடுத்த முதல்வர் நான்தான்’ என்று முதல் அட்டைப்படக் கட்டுரையை வெளியிட்ட சற்று இடைவெளியில் கடந்த வார (16.05.2015) வியாழன் அன்று வெளியான இதழில், 

’முதல்வர் பதவி…அம்பலமான சரத்தின் நாடகம்’ என அட்டையில் இடம்பெற்ற ஸ்டோரி. 

4 பக்க மேட்டர்.






வெளியான கட்டுரை முழுக்கவும் எவ்விதத் தொடர்புமற்று நடிகர் சங்கம், பதவி இழந்து திரும்பப் பெற்ற அமைச்சர் என சம்பந்தா சம்பந்தம் இல்லாமல் எங்கெங்கோ பயணிக்கிறது. அந்தக் கட்டுரை இது தான். தமிழ்நாட்டு அரசியல் நிலவரத்தை ஓரளவு அறிந்த எவரும் இதில் வெளியானவை நடக்கும் என கனவில் கூட நம்ப மாட்டார்கள் என்பது தான் உண்மை.

இதைப்படித்தவுடன் நமக்குத் தோன்றியது இதுதான்.

துளியும் நம்ப முடியாத செய்திகளை  எல்லாம் எந்தவிதக் கோர்வையும் இல்லாமல் நான்கு பக்கங்கள்  எழுதி அதனை இரண்டாம் முறையாக கவர் ஸ்டோரியாக வெளியிடுகிறது என்றால், சரத்குமாருக்கும் ’தமிழக அரசியல்’ நிறுவனத்துக்கும் ஏதோ பெரிய அளவிலான முன்பகை இருக்கிறது. அது பணம் கொடுக்கல் வாங்கல் பிரச்சனையா அல்லது ’தமிழக அரசியல்’ முதலாளி சுந்தரராமன்  திரைத்துறையிலும் இருப்பதால் அது தொடர்பிலான பிரச்னையா, இல்லை வெளியில் சொல்ல முடியாத வேறு எதுவுமா ? என நம்மால் முடிவுக்கு வர இயலவில்லை. நண்பர்களிடம் விசாரித்துக் கொண்டிருந்தோம்.

ஆனால் பொய் எழுதிய மை காய்வதற்குள் அம்பலமாகி விட்டது. கிரிகுஜா நிறுவனத்தின் இயக்குனர் மற்றும் ’தமிழக அரசியல்’ பத்திரிகையின் வெளியீட்டாளர் எஸ். சுந்தர்ராமனுக்கும் இடையே திரைப்படம் தயாரிப்பது தொடர்பில் உருவான  கொடுக்கல் வாங்கல் பிரச்னையை செய்தித்தாள்கள் எல்லாம் வெளியிட்டு விட்டன.




ஆக சரத்குமார் ‘தமிழக அரசியல்’ நிறுவனத்துக்கு திரைப்படம் தயாரித்துத் தருவதாகச் சொல்லி பணம் வாங்கி  ஏமாற்றி வரும் நிலையில் அவர் மீதான ஆத்திரத்தைத் தீர்த்துக் கொள்வதற்காககோ, அல்லது இப்படி ஒரு ’செய்தி’ வெளியிட்டால் சரத்குமார் தன்னிடம் செட்டில்மெண்டுக்கு வருவார் என்று நினைத்தோ இது போன்ற ’செய்திகளை’ உற்பத்தி செய்கிறது. ’நாக்ராஜ்’ என்ற பெயரில் அனேகமாக எஸ்.சுந்தரராமனே எழுதியிருக்கலாம் என நினைக்கிறோம். 

இதுதான் புதியதோர் உலகு உருவாக்கும் லட்சணமா ?

சரத்குமார் தனது அரசியலைக் காட்டி ஏமாற்ற முயற்சிக்கிறார். தமிழக அரசியல் முதலாளி  தனது பத்திரிகையைக் காட்டி வேறு வகையில் மிரட்டுகிறார். 

மோசடி நிருபர்களுக்கு ’கவர்’ வாங்க பயன்படும் பத்திரிகை, ’முதலாளி’களுக்கோ இப்படியான தங்களின் தனிப்பட்ட திரைமறைவு மிரட்டல்களுக்குப் பயன்படுகிறது. இதில் காசு கொடுத்து வாங்கிப் படிக்கும் வாசகன் தான் ஏமாளி.

’கார்க்கோடன்’ என்ற புனைப் பெயரில் பல்வேறு பிரச்னைகள் குறித்த சிந்தனைக் கட்டுரைகளை ஒவ்வொரு இதழிலும் எழுதும்   எஸ்.சுந்தர்ராமன் அவர்களே நீங்கள் ஏன் அடுத்த இதழில் புலனாய்வு பத்திரிகைச் செய்திகளின் பின்னணி, உள்நோக்கம் குறித்து ஒரு கட்டுரை எழுதக் கூடாது? 

உங்களின் கூட்டாளிகளுக்கு உபயோகமாக இருக்குமல்லவா ?


தொடர்புடைய இணைப்புக்கள்

http://m.dinakaran.com/detail.asp?Nid=146362


Thursday, 28 May 2015

மோசடிப்புகாரில் சிறைக்குச் சென்ற தின இதழ் முதலாளி…!



தின இதழ்’ நாளிதழ் ஆரம்பிக்கப்படும் பொழுது அதன் பின்னணி, நோக்கம் குறித்து எழுதியிருந்தோம். குறுக்கு வழியில் மோசடியாக பலநூறு கோடிகளைச் சம்பாதித்து அதனைப் பாதுகாக்கவும் பலவாறாகப் பெருக்கும் நோக்கத்திலும் தான் 'தின இதழ்' நாளிதழை ஆரம்பித்துள்ளனர் என்றும் சொல்லியிருந்தோம். 

இந்த நிலையில் தனது மருத்துவக் கல்லூரிக்கு சி.எம்.டி.ஏ. சான்றிதழை மோசடியாக தயாரித்த குற்றத்திற்காக ’தின இதழ்’ நாளிதழ் முதலாளியும், மருத்துவக் கல்லூரித் தலைவருமான ராதாகிருஷ்ணன் மற்றும் அவரது மனைவி உட்பட மூவர் கைது செய்யப்பட்டுள்ளனர்.  இந்தச் செய்தியை’தின இதழ்’ முதன்மை ஆசிரியர் குமார் இன்றைய நாளிதழில் ஏனோ (!) வெளியிடவில்லை.

29-05-2015


30-05-2015


மத்திய, மாநில அரசுகளுக்கு வரன்முறையில்லாமல் ஜால்ரா அடித்தும், தான் செய்த குற்றத்திலிருந்து ’உரிய’ வழிமுறைகளில் தப்ப முடியாமல், ஏதோ ஒரு காரணத்தினால் சிறைச்சாலைக்குச் சென்றிருக்கிறார்.
கலாநிதிமாறன், பச்சமுத்து, வைகுண்டராஜன் போன்ற பங்காளிகளிடம் கொஞ்ச நாள் டியூஷன் போயிட்டு வாங்க சார்..!
கைதாகாமல் தப்பிப்பது எப்படி?

ஆனால் தொழில் ரகசியத்தை அவர்கள் சொல்வது சந்தேகம் தான். எதற்கும் முயற்சியுங்கள்.


தொடர்புடைய இணைப்புகள்


பாலியல் புகாரில் தினகரன் நியூஸ் எடிட்டர் ; ராஜினாமா நாடக ஒத்திகை..!



தினகரன்; வேலூர் பதிப்பு  நியூஸ் எடிட்டர் பெருமாள் குறித்து நாம் ஏற்கனவே எழுதியிருக்கிறோம். வேலூர் பதிப்புக்கு இவர் தான் இன்சார்ஜ். தனது கீழ் பணிபுரிந்த ஊழியரின் பணத்தை ஏ.டி.எம்.மில் திருடி அதன்பின் திருடிய தொகையை பல தவணைகளில் கொடுக்க ஒப்புக்கொண்டதையும் எழுதியிருந்தோம்.

இப்பொழுது மீண்டும் பாலியல் புகாரில் சிக்கியிருக்கிறார். இந்த முறை தனது கீழ் பணிபுரியும் உதவி ஆசிரியர் பெண்மணியிடன் தரக்குறைவாக நடந்து கொண்டிருக்கிறார் என்பது குற்றச்சாட்டு.

’தினகரன்’ வேலூர் பதிப்பில் ஆரணி பகுதியைச் சேர்ந்த கோகிலமான ஒரு பெண் கடந்த ஓரிரு வருடங்களாக உதவி ஆசிரியராக பணிபுரிந்து வந்தார். இவருக்குத் தொடர்ச்சியாக நியூஸ் எடிட்டர் பெருமாள் பாலியல் தொந்தரவு கொடுத்து வந்திருக்கிறார். அத்தோடு மட்டுமல்லாமல் இவரது செல்போனுக்குத் தொடர்ச்சியாய் ஆபாசமான குறுஞ்செய்திகளை நேரம்காலம் பார்க்காமல் அனுப்பி வந்துள்ளார்.

குடும்ப சூழ்நிலை காரணமாய் வேலைக்கு வந்த உதவி ஆசிரியரால் இதனை எதிர்கொள்ள முடியவில்லை. ஒருகட்டத்துக்கு மேல் பெருமாளின் தொல்லைகள் பொறுக்க முடியாமல் அதனை வேலூர் மேனேஜரிடம் தெரிவித்துள்ளார். மேனேஜரும் நியூஸ் எடிட்டரும் பல விஷயங்களில் கூட்டாளிகள் என்பதால் அவர் இதனைக் கண்டு கொள்ளவில்லை என்பதோடு பெருமாள் க்கு வக்காலத்தும் வாங்கியிருக்கிறார். வேறு வழியின்றி உதவி ஆசிரியப் பெண்மணி ’தினகரன்’ சென்னை அலுவலகத்தில் எச்.ஆர்.சாந்தியிடம், நியூஸ் எடிட்டர் பெருமாள் தனக்கு அளித்த பாலியல் தொந்தரவுகளை அதற்கான ஆதாரங்களுடன் இணைத்து புகாரை அளித்துள்ளார்.

அதற்குப்பின் எச்.ஆர்.சாந்தியின் அறிவுரையின் படி, பிரச்னை கைமீறிச் சென்றுவிடாமல் இருப்பதற்காக, நியூஸ் எடிட்டர் பெருமாளின் ராஜினாமாவை ’தினகரன்’ வேலூர் பதிப்பு மேனேஜர் வாங்கி வைத்துக் கொண்டிருக்கிறார். ஆனாலும் பெருமாள் அலுவலகத்தில் இன்னும் கோலோச்சிக் கொண்டு தான் இருக்கிறார்.பணி செய்யும் இடங்களில் பெண்களுக்கு ஏற்படும் பாலியல் தொந்தரவுகளை விசாரிப்பதற்காக உருவாக்க வேண்டிய விசாகா கமிட்டி ’தினகரனில்’ இன்னும் உருவாக்கப்படவில்லை என்பது குறிப்பிடத்தக்கது.

பெருமாள்


தினகரன்’ எடிட்டர் கம் மேனேஜிங் டைரக்டர் ஆல் இன் ஆல் அழகுராஜா ஆர்.எம்.ஆர். தற்பொழுது தமிழ்நாட்டில் நிலவும் வெயில் காரணமாக, வெளிநாட்டுக்கு உல்லாச சுற்றுப்பயணம் சென்றிருக்கிறாராம். அவர் வந்தவுடன் தான் என்ன முடிவெடுக்கப்படும் என்பது தெரியும். கோவிந்தராஜ் என்னும் ஒரு திறமையாளரை புறக்கணித்து விட்டு தனக்குத் தோதான இவரை, மேனேஜரின் விருப்பத்தின் பேரில் நியமித்தவர் தான் ஆர்.எம்.ஆர். தான் பதவி கொடுத்து அழகு பார்த்தவர்களை அவ்வளவு எளிதில் கைவிட மாட்டார் என பங்காளிகள் நம்புகிறார்கள்.

பாலியல் தொந்தரவு செய்த நியூஸ் எடிட்டர் பெருமாளை வீட்டுக்கு அனுப்பி குறைந்த பட்ச நடவடிக்கையையாவது நிர்வாகம் எடுக்குமா..?

ஆனால், குற்றவாளிகள் பதவியில், பாதிக்கப்பட்டவர்கள் வீதியில்  என்பதுதான் ’சன் நெட்வொர்க்’கின் கடந்தகால வரலாறு.